Programa coñece outras culturas

O programa “Coñece outras culturas” vén realizándose neste centro dende hai máis de 10 anos, goza de grande aceptación entre os usuarios que a principio de ano esperan impacientes os destinos elixidos para valorar se son do seu interese.

Obxectivos: Coñecer a cultura, historia, arte e tradicións do pais a visitar, ao mesmo tempo que fomentar as relacións interpesonais dentro dun marco de respecto e solidariedade.

Pois este ano as propostas son as seguintes: antes do verán Escocia e en setembro os Paises Baixos e Belxica.

Vai dirixido a todos os usuarios pero especialmente pensado para aqueles que non se atreven a viaxar sós, ou que non teñen con quen viaxar xa que nestas viaxes está todo o tempo programado e todo incluído. Son uns días de intensa convivencia que en moitas ocasións serven para iniciar boas amizades ou intensificar as xa existentes.

Nos próximos días poñerase no taboleiro de anuncios ( e nesta revista) o itinerario e demais información da viaxe.
As persoas interesadas poden comunicalo para realizar unha pre-inscrición.

O whisky, gaitas, kilt ou faldra escocesa, o Lago Ness e máis…
Cando apareceron as primeiras gaitas das Terras Altas en Escocia? Como ha de levarse de xeito correcto a faldra escocesa? Que se esconde baixo as augas do Lago Ness? Descobriremos as cousas que fan de Escocia o que é!

Sabías que…?
…que Tintín, Lucky Luke ou os Pitufos son creacións de artistas belgas?
…que Bélxica foi o primeiro país da Europa continental en construír unha vía férrea?
…que de cada 10 diamantes que hai no mundo, 7 teñen pasado por Amberes?
…que Flandes é o maior produtor de azaleas do mundo?
…que Marx e Engels sentaron as bases do Manifesto comunista na Grand Place de Bruxelas? …que Víctor Hugo viviu nela?

Redacción