Lume no monte

Coa festa pagán do solsticio de vran – san xoán -,  deixamos atrás todo o vello: as angurias que nos amolaban, os rigores do frio inverno e as humidades da chuviosa primavera. O lume purificador queimouno todo e librounos das bruxas e dos feiticeiros:   reconfortámonos cos veciños e con nós mesmos, compartimos sardiñas asadas, churrasco e viño branco e tinto, rematando co indispensabel licor café, e a xoldra continuou ata que o corpo non deu mais de si. Para  o día seguinte quedou a recollida dos refugallos.

A nova etapa

Como xa é costume nesta terra, comezarán os lumes nos montes galegos: lumes que estragan a flora e a fauna, o arborado, poñen en risco vidas e vivendas, contamiñan o ár e arrastran as cinzas ata as rías, contaminando as praías e lugares de cría marisqueira.

A resposta

A mesma de anos anteriores: laios, disculpas, promesas, ameazas, datos inconcretos e torticeiros – o importante é que todo sexa confuso, así as explicacións son mais doadas -.  O ano pasado o presidente falou dun contubernio contra Galicia, pero o que nunca sabemos é, ¿por qué arde o monte? ¿Quén ou quenes lle prantan lume? ¿Cáles son as causas que o motivan? ¿Fanse analises de causa/efecto? Si é que se fan, por qué non coñecemos as acción corretivas?

Titulares nos medios

A Xunta de Galicia anuncia 137 millóns de euros para apagar lumes este ano.

Noutro titular moi confuso, días despois, din que ainda non teñen os helicópteros. O xogo da confusión está en marcha: tal semella que o proceso está organizado como si dun plan estratéxico se tratara, ímos ver: queimar, apagar, limpar e retirar, cortar e plantar. O circulo está pechado e, o negocio move xente e diñeiro, e xurden as preguntas:

– Por qué non se empregan os cartos en evitar os lumes?. Ainda que o gasto sexa o mesmo non se perde o monte.

– Os intereses teñen que ser moi altos  e a información é sesgada.

– Hai algunha política que regule o monte? Qué especies plantar e onde, qué distancias de seguridade entre zonas para que o lume non se propague? Faise a limpeza dos cortalumes?. É que o lume no monte parése non importar a ninguén, porqué nin está presente nos programas electorais dos partidos políticos.

Telmo Comesaña