Auga en Vigo

Coloquio sobre o abastecemento da auga en Vigo.

O CONVIDA chegoume dun amigo ao que lle pediran un xubilado para un coloquio sobor da auga en Vigo. Aceptei de contado porque é un tema que me preocupa nesta cidade e no planeta terra. Asemade tamén buscaban persoas máis novas e de diferentes idades.

O acto fíxose na sala dun hotel.

dibujo fachada hotelUn grupo de seis persoas: catro mulleres e dous homes de idades e actividades diferentes: dúas amas de casa, dúas máis novas, un profesional de mediana idade e un -eu mesmo- xubilado. Unha señora -con acento francés- na cabeceira da mesa, ía facendo a presentación dos diferentes temas relacionados co asunto en cuestión. Deixou caer que a información era para Aqualia.

As preguntas foron interesantes para un coloquio: subministro, calidade, resposta en averías, atención ao cliente, prezo, respecto ao medio ambiente e valoración; puntuación de 0 a 10.

Para min respostar a estas preguntas non me era doado sen coñecer algúns datos clarificadores que me permitiran poder ter un maior coñecemento da organización, e xa que logo, poder valorar e contestar debidamente, por exemplo:

-Hm. cúbicos que se potabilizan / ano; que tanto por cento vai a consumo doméstico e canto se utiliza en industrias, fontes públicas con auga perdida, limpeza de rúas, rega de xardíns, etc. Perda no emisario entre Eiras e O Casal e do Casal –xa depurada- ao Morrazo, e outras utilizacións que non precisen unha potabilización total.

-Costo da potabilización

Estas preguntas que formulo non teñen contestación.

Precio del aguaNas respostas puiden ver o reflexo da sociedade na que estamos mergullados: as amas de casa descoñecen o prezo e o fixo de consumo -o descoñecemento venlle porque o pago faino a comunidade do edificio-; taxa que hai que pagar consumas ou non. Pero ademais si é un negocio -grande ou pequeno-, o prezo é maior. (Comentaba esoutro día a tendeira do barrio, que só ten unha billa para lavar as mans, e paga 60 €).

No devalar do coloquio foron saíndo : bo servizo, boa resposta as averías, prezo moi caro. Unha muller que vive en Barcelona e Vigo, fixo unha comparativa moi favorable a nosa, aínda que moito mellor –dixo ela- era a de Edimburgo; nótase moito o sabor a cloro e hai quen a topa moi dura.

Respecto ao medio ambiente non hai contestación, todo parece estar ben. Pois non, eu si que vexo problemas:

Falta conciencia por descoñecemento e porque o fixo da pé a consumilo. Porque se paga, e ten moita lóxica-.

-A utilización de auga potable en regas, fontes e industriais é outro despilfarro.

-Coa depuradora antiga os vertidos do colector de borde de Ría descargaban, frecuentemente das estacións de bombeo, directamente ó mar. Descoñezo a situación actual coa nova depuradora.

Valoración

Depuradora de VigoAquí se ven as dúbidas, pero como todos somos / son xente de fe pois o resultado sae por enriba da media.

Ai! E, como podo valorar eu o que descoñezo. Gustaríame darlle un seis, ou un sete, pero descoñezo o proceso da potabilización e do seguimento da calidade.

Tería que coñecer si na depuradora que din que é moi moderna- se fai o proceso establecido, ou si por aforrar Kw a depuración é menos eficiente, para o medio ambiente. Como agora a saída está a 3 Km de Samil non se pode controlar visualmente: Tampouco sei si se fan auditorías externas ou non. Na factura que bimensualmente recibimos, figuran catro certificacións, unha delas UNE-EN ISO 14001 é DE Xestión ambiental. Este dato é importante pero incompleto en tanto non coñezamos os datos do cumprimento desa norma.

En resumo

AqualiaMalia que todo parece bastante ben, a realidade resulta ser unha cuestión de fe,

crer o que nos digan, ou nos insinúen, e iso para min non vale. Hai moitos anos que perdín a fe. Gústame saber e participar.

Tampouco hai que esquecer que Aqualia é unha empresa que traballa por delegación do Concello de Vigo, único responsable non só do prezo, senón tamén, de todo o concernente a actividade da devandita empresa. Deléganse as función, non as responsabilidades.

 

Telmo Comesaña febreiro 2019

Deja un comentario

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.

A %d blogueros les gusta esto: