Alcuño – Alcume

O alcuño tamén se define como un mal nome que se lle engade a unha persoa.

Os alcumes non sempre son un demerito  nin postos por amolar a ninguén; en moitas ocasións serven para diferenciar a persoas con nomes coincidentes, ou de fora dos lugares onde se asenta. No devalar dos annos  os alcuños  vanse convertindo en populares porque abranguen a familias enteiras; por exemplo:”Os  Ramonechas” en Alcabre, (familia da que eu por pai procedo), é tan amplo que moitos xa non nos coñecemos, nin sabemos quén foi o primeiro ”Ramonecha”.

Un tesouro inmaterial

Arestora vaise perdendo o úso e non deixa de ser unha perda cultural que en moitos casos acompáñanos ata as esquelas mortuorias. Quén non leu nunha esquela o alcuño polo que era coñecido  ou coñecida? Por exemplo: Fulano de tal e Cual  “O Torto”. Pois xa era indicativo que tiña un ollo revirado, ou que era  descendente do “bautizado”  como tal.

Van aló uns anos, estando reunidos con familiares e amigos, co gallo  do pasamento  dun  veciño amigo, o fillo do finado laiabase porque ninguén lle chamaba polos alcuños, e sentía a preocupación porque dese xeito tamén se ía a memoria dos seus devanceiros. E xa que logo, recollendo aquel sentir e o da xente que se identifica co seu alcume ata a morte, nomearei algúns que vou sacando do fardel da miña memoria.

Escolma por parroquias

Navia.–Cadallas, Chascos, Mamúas, Barracos, Moxenas, Matiñas, Lavandeira, Mighallas,Ramixo, Masados, Sarillo, Ghalucho, Changonas, Soleadas, Bufa, Xepje,  Cacola,etc

Alcabre —  Pantóns, Morillo, Chatolas, Bicas, Borralleiros, Gherras, Balandro Capaburras, Masacouros, Caralletes,Nevuas, Paxaricas, Tocas, Trengulas, Rilllacodias, Caghaches, Chamicas, Madruga,  etc

 Comesaña —  Paxuriños, Maturranca, Varado,Tikitoke, Zaragallas, Peneiras, Piringallo, Callán, Naucho, etc

Coia — Borrallas,  Cañoto, Títere,  Laracho,Teniente, Sereno, Faltiqueiras, Tacones, Chuvias, etc

Bouzas

Palleiros, Mingolas,Teselán, Faneca, Mouchas, Canelas, Chichas, Chourrou,  Villicas, Mingarallón, Mourenta, Proa o vento, Calaca,etc

Resume

Algúns están vencellados  entre parroquias polas unións matrimoniais

Texto  y fotos — Telmo